२७ असार,बारा: पुर्व पश्चिम राजमार्ग अन्तरगत बाराको पसाह खोला नजिक भएको बस दुर्घटनामा १४ जना यात्री घाइते भएका छन् ।
जितपुरसिमरा उपमहानगरपालिका वडा नम्बर-१६ मा बिहान बस दुर्घटना भएको हो ।
मलङगवाबाट वीरगञ्जका लागि छुटेको ना ४ ख ७१९४ नम्बरको बस दुर्घटनामा परेको प्रहरीले जनाएको छ । अन्य सवारीलाई ओभरटेक गरेर अगाडी जान खोज्दा बस अनियन्त्रित भइ सडक छेउमा पल्टिएको प्रहरी नायब उपरिक्षक दधिराम न्यौपानेले बताए ।
दुर्घटनामा १ जना महिला गम्भिर घाइते भएकी छन् । रौतहटकी अन्दाजी ४२ वर्षकी सन्झा देवी गम्भिर घाइते भएकी हुन् ।
यस्तै दुर्घटनामा ३ जना मध्यम र अन्य सामान्य घाइते भएका प्रहरी जनाएको छ । घाइतेहरुको सिमरास्थित विभिन्न अस्पतालमा उपचार भइरहेको प्रहरी जनाएको छ ।
प्रहरीले बसका सहचालक मलङगवाका राकेश कुमार साहलाई नियन्त्रणमा लिएको छ । चालक फरार रहेकाले उनको खोजी भइरहेको र घटनाबारे आवश्यक अनुसन्धान भइरहेको जिल्ला प्रहरी कार्यालयले जनाएको ।