१३ मंसिर, बारा : बाराको बरियारपुरमा लागेको पञ्चबर्षीय गढिमाइ मेलामा सुरक्षाका करिब एक हजार पाँच सय प्रहरी परिचालन हुने भएको छ ।
जिल्ला प्रहरी कार्यालयले मेलामा १ हजार ४ सय ६६ जना प्रहरी परिचालन लागेको हो ।
जिल्ला प्रहरी कार्यालयका प्रमुख प्रहरी उपरीक्षक महेन्द्र
खडकाले पत्रकार समेलनमागरि मेलामा प्रहरी परिचालनबारे जानकारी गराएका हुन ।
मेलामा ४०० सिसि क्यामरा जडान गरि मेलाको सम्पुर्ण गतिविधि निगरानी गर्ने उक्त पत्रकार समेलनमा प्रहरी उपरीक्षक खडकाले जानकारी गराए ।
मेलामा ठुलो संख्यामा सादा पोशाकका प्रहरी पनि परिचालन गरिने प्रहरी उपरीक्षक खडकाले बताए ।
प्रहरी नायब उपरीक्षक प्रकाश सापकोटाको नेतृत्वमा २१ वटा युनिट मार्फत प्रहरी परिचालन गरिने जानकारी पत्रकार सम्मेलनमा गराईयो ।
