काठमाडौं-१२ असोज ।
प्रेस काउन्सिल नेपालले पत्रकार आचारसंहिता र पत्रकार सुरक्षा सम्बन्धमा चासो व्यक्त गर्दै सञ्चार माध्यमलाई संवेदनशीलतापूर्वक समाचार सम्प्रेषण गर्न आग्रह गरेको छ । काउन्सिलको ५६ औं वार्षिकोत्सवको अवसरमा बसेको बैठकले यस्तो निर्णय गरेको हो ।
बैठकले समाचार संकलनका क्रममा हुने दुर्घटना वा असुरक्षाबारे तत्काल उपयुक्त ध्यान दिन सञ्चार माध्यमलाई आग्रह गरेको छ । पत्रकार आचारसंहिताविपरीत सामग्री सम्प्रेषण भएमा त्यस्ता सामग्री सार्वजनिक मितिबाट न्यूनतम बिमर्शको आधारमा आवश्यक कारबाही हुने निर्णय पनि बैठकले गरेको छ ।
हालै म्याग्दी–नारायणघाट सडकखण्डमा आन्दोलन कवरेज गर्ने क्रममा पत्रकार रामेश्वर चापागाईं, मिलन बस्ताकोटी, सुमन पौडेल र जेनी आन्दोलित समूहको गतिविधिबाट घाइते भएको प्रसंगलाई उल्लेख गर्दै काउन्सिलले पत्रकारमाथि हुने आक्रमण अस्वीकार्य भएको बताएको छ । साथै, पत्रकारको काममा अवरोध गर्नेहरूमाथि कारबाही गर्न सरोकारवालाहरुलाई ध्यानाकर्षण गराइएको छ ।
काउन्सिलले २०८२ सालको दशैं, तिहार, छठ पर्वलगायतका चाडपर्वका अवसरमा समाचार सम्प्रेषण गर्दा संयमता र आचारसंहिताको पूर्ण पालना गर्नसमेत सञ्चार माध्यमलाई आग्रह गरेको छ ।
