२९ कात्तिक, काठमाडौं । अमेरिकाका पूर्व राष्ट्रपति डोनाल्ड ट्रम्पले बीबीसीको ‘प्यानोरामा एडिट’ विवादमा माफी मागिए पनि कानुनी कदम अघि बढाउने तयारी गरेका छन्। शुक्रबार पत्रकारहरूसँगको संवादमा उनले आगामी साताभित्र बीबीसीविरुद्ध एक अर्बदेखि पाँच अर्ब डलर क्षतिपूर्ति दाबी गर्दै मुद्दा दायर हुने बताए।
ट्रम्पले यस विषयमा हप्ताको अन्त्यतिर बेलायतका प्रधानमन्त्री कियर स्टार्मरसँग पनि छलफल गर्ने तयारी रहेको जानकारी दिए।
यसअघि बीबीसीले ६ जनवरी २०२१ को भाषणको सम्पादनले ट्रम्पले हिंस्रक कदमको लागि प्रोत्साहन दिएको गलत बुझाइ बनेको भन्दै माफी मागेको थियो। तर संस्थाले कुनै वित्तीय मुआब्जा नदिने स्पष्ट पारेको छ।
ट्रम्पका वकिलहरूले यसै साताको सुरुमा बीबीसीले माफी मागेर मुआब्जा नदिए कम्तीमा एक अर्ब डलर बराबरको क्षतिपूर्ति दाबीसहित मुद्दा दायर गर्ने चेतावनी दिएका थिए। विवादका बीच बीबीसीका डाइरेक्टर जनरल टिम डेभी र समाचार प्रमुख डेबोरा टर्नेसले गत साता राजीनामा दिएका थिए।
Leave a Reply