बुदिमिरको निर्णायक गोल, पानामालाई हराउँदै क्रोएसियाको नकआउट आशा जीवित

काठमाडौं । फिफा विश्वकप २०२६ अन्तर्गत समूह ‘एल’ को खेलमा क्रोएसियाले पानामालाई पराजित गर्दै नकआउट चरण पुग्ने सम्भावना कायम राखेको छ।
क्यानडाको टोरोन्टो स्टेडियममा भएको प्रतिस्पर्धात्मक खेलमा क्रोएसियाले पानामामाथि १–० को जित हात पारेको हो। पहिलो हाफ गोलरहित बराबरीमा रोकिएको खेलमा दोस्रो हाफको सुरुवातमै क्रोएसियाले अग्रता बनाएको थियो।
क्रोएसियाका अनुभवी फरवार्ड आन्ते बुदिमिरले खेलको ५४औँ मिनेटमा निर्णायक गोल गरे। जोसिप स्टानिसीचको उत्कृष्ट क्रसलाई सदुपयोग गर्दै बुदिमिरले बललाई जाली चुमाएका थिए।
पहिलो खेलमा घानासँग पराजित भएको क्रोएसिया यसअघि इङ्ल्याण्डसँग पनि हारेपछि दबाबमा थियो। तर पानामाविरुद्धको जितसँगै टोलीको अघिल्लो चरण पुग्ने सम्भावना पुनः बलियो बनेको छ।
खेलमा पानामाले बराबरी गोल फर्काउने प्रयास गरे पनि क्रोएसियाको बलियो रक्षापंक्ति र गोलरक्षक डोमिनिक लिभाकोभिचको उत्कृष्ट प्रदर्शनका कारण सफल हुन सकेन।
अब समूह चरणको अन्तिम खेलमा पानामाले इङ्ल्याण्डसँग र क्रोएसियाले घानासँग प्रतिस्पर्धा गर्नेछन्। समूहकै अर्को खेलमा घाना र इङ्ल्याण्डले गोलरहित बराबरी खेल्दै अंक बाँडेका छन्।