कोलम्बियाको संकुचित जितसँगै विश्वकपको अन्तिम १६ टोली तय

कोलम्बियाको संकुचित जितसँगै विश्वकपको अन्तिम १६ टोली त
काठमाडौं, असार २० — फिफा विश्वकप–२०२६ अन्तर्गत समूह चरणको अन्तिम खेलमा कोलम्बियाले घानालाई १–० ले पराजित गर्दै प्रिक्वार्टरफाइनल (राउन्ड अफ १६) मा स्थान बनाएको छ। यससँगै प्रतियोगिताको अन्तिम १६ टोलीको समीकरण पनि पूरा भएको छ।
अमेरिकाको कन्सास स्टेडियममा सम्पन्न प्रतिस्पर्धात्मक खेलमा कोलम्बियाका लागि जोन एरियासले १४औँ मिनेटमा गरेको एकमात्र गोल नै निर्णायक बन्यो। त्यसपछि दुवै टोलीले अवसर सिर्जना गरे पनि थप गोल हुन सकेन र कोलम्बियाले महत्वपूर्ण जित हात पार्यो।
गएराति र शनिबार बिहान सम्पन्न अन्तिम समूह चरणका खेलसँगै विश्वकपको राउन्ड अफ १६ मा पुग्ने सबै टोलीको टुंगो लागेको हो।
यसपटकको समूह चरणबाट चार पटकको विश्वविजेता जर्मनी, अघिल्लो संस्करणको तेस्रो स्थानमा रहेको क्रोएसिया, बलियो दाबेदार नेदरल्यान्ड्स, एसियाली शक्ति जापान तथा सेनेगलजस्ता चर्चित टोली अप्रत्याशित रूपमा प्रतियोगिताबाट बाहिरिएका छन्।
अब विश्वकपको उपाधि यात्रामा बाँकी १६ टोलीबीच नकआउट चरणका प्रतिस्पर्धा हुनेछन्, जहाँ हार्ने टोली प्रतियोगिताबाट बाहिरिनेछ भने विजेता टोली क्वार्टरफाइनलमा प्रवेश गर्नेछ।