५ पुस, बारा : बारामा प्रहरीले करिब ६२ लाख मुल्य बराबरको धनमाल नियन्त्रणमा लिएको छ ।
प्रहरीले पथलैयाबाट ६१ लाख ७२ हजार एक सय १९ रुपैयाँ मुल्य बराबरको धनमाल नियन्त्रणमा लिएको हो ।
प्रहरी वरिष्ठ नायब निरीक्षक रोशन अधिकारीको नेतृत्वमा खटेको प्रहरी टोलीले ना ७ ख १३१० र प्रदेश ०१-०२-००१ ख ८०७३ नम्बरको ट्रक सहित समान नियन्त्रणमा लिएको हो ।
प्रहरीले किराना समान, साईकलको पार्टपुर्जा लगायतका सामग्री नियन्त्रणमा लिएको हो ।
बरामद गरिएको सरसमान आवश्यक कार्बाहीकोलागी राजश्व अनुसन्धान कार्यालय पथलैयामा बुझाईएको प्रहरीले जनाएको छ ।
