काठमाडौं, चैत ८, २०८२ — अमेरिकाले स्ट्रेट अफ होर्मुज खोल्न अल्टिमेटम दिएपछि इरानले कडा प्रतिक्रिया जनाउँदै युद्ध नयाँ चरणमा प्रवेश गरेको चेतावनी दिएको छ।
अमेरिकी राष्ट्रपति डोनाल्ड ट्रम्पले ४८ घण्टाभित्र होर्मुज जलडमरू खोल्न आग्रह गर्दै अन्यथा ठूलो सैन्य कारबाही गर्ने चेतावनी दिएका थिए।
यसको जवाफमा इरानको सरकारी सञ्चारमाध्यमले यदि आफ्ना ऊर्जा तथा इन्धन संरचनामाथि आक्रमण गरिए त्यसको प्रतिकार गरिने स्पष्ट पारेको छ।
इरानले अमेरिकासँग सम्बन्धित ऊर्जा पूर्वाधारहरूलाई समेत निशाना बनाउन सक्ने संकेत दिएको छ। ‘यदि हाम्रो ऊर्जा केन्द्रहरूमा आक्रमण भयो भने त्यसको जवाफ कडा हुनेछ,’ इरानी पक्षको भनाइ उद्धृत गरिएको छ।
यसअघि ट्रम्पले आफ्नो सामाजिक सञ्जाल ‘ट्रुथ सोसल’मार्फत चेतावनी दिँदै इरानले होर्मुज जलडमरू नखोले अमेरिकाले इरानका पावर प्लान्टहरूमा आक्रमण सुरु गर्ने बताएका थिए।
मध्यपूर्व क्षेत्रमा तनाव बढ्दै जाँदा अन्तर्राष्ट्रिय समुदायले स्थिति थप जटिल बन्न सक्ने चिन्ता व्यक्त गरेका छन्।
