काठमाडौँ — प्रधानमन्त्री बालेन्द्र शाहले प्रतिनिधिसभामा समानुपातिकतर्फका सांसदहरूसँग आज अन्तरक्रिया गर्ने भएका छन्।
प्रधानमन्त्री तथा मन्त्रिपरिषद्को कार्यालयमा मध्याह्न १२ बजे हुने उक्त छलफलमा विभिन्न दलका समानुपातिक सांसदहरूको सहभागिता रहने जनाइएको छ।
प्रधानमन्त्री शाहले यसअघि प्रत्यक्ष निर्वाचित सांसदहरूसँग प्रदेशगत रूपमा अन्तरक्रिया गरिसकेका थिए। सोही अभ्यासलाई निरन्तरता दिँदै यसपटक समानुपातिक सांसदहरूसँग छलफल गर्न लागिएको हो।
प्रधानमन्त्रीको सचिवालयका अनुसार जनप्रतिनिधि र कार्यपालिकाबीच प्रत्यक्ष संवाद स्थापना गर्दै नीति निर्माण तथा कार्यान्वयनलाई प्रभावकारी बनाउने उद्देश्य राखिएको छ।
सांसदहरूले आफ्नो क्षेत्रका समस्या, चुनौती र सुझाव प्रस्तुत गर्ने कार्यक्रम रहेको बताइएको छ। यस अन्तरक्रियालाई सुशासन र उत्तरदायित्व प्रवर्द्धन गर्ने अवसरका रूपमा हेरिएको छ।
