पेट्रोलियम पदार्थको मूल्य बढ्यो, आज राति १२ बजेदेखि नयाँ दर लागू

काठमाडौं, साउन १७ — नेपाल आयल निगमले पेट्रोलियम पदार्थको मूल्य वृद्धि गरेको छ। निगमले आइतबार नयाँ मूल्यसूची सार्वजनिक गर्दै पेट्रोल, डिजल र मट्टीतेलको मूल्य बढाएको हो।
नयाँ व्यवस्थाअनुसार पेट्रोलमा प्रतिलिटर ३ रुपैयाँ तथा डिजल/मट्टीतेलमा प्रतिलिटर ५ रुपैयाँ वृद्धि गरिएको छ।
निगमका अनुसार संशोधित मूल्य आइतबार राति १२ बजेदेखि देशभर लागू हुनेछ।
यद्यपि, खाना पकाउने एलपी ग्यासको मूल्य भने हाललाई यथावत राखिएको निगमले जनाएको छ।