२ फागुन २०८२, काठमाडौं। बंगलादेशकी पूर्वप्रधानमन्त्री शेख हसिनाले हालै सम्पन्न संसदीय निर्वाचनलाई ‘पूर्वनियोजित छल र प्रहसन’ भन्दै कडा आलोचना गरेकी छन्।
उनको दल ले जारी गरेको विज्ञप्तिमा निर्वाचन प्रक्रियामा गम्भीर अनियमितता भएको आरोप लगाइएको छ। हसिनाले “मतदान केन्द्र खाली देखिए पनि मतगणनामा मत भेटिनु” चुनावी हेरफेरको संकेत भएको दाबी गरेकी छन्।
उनले फेब्रुअरी १२ को निर्वाचनलाई बंगलादेशको लोकतान्त्रिक इतिहासकै ‘लज्जास्पद अध्याय’ हुने टिप्पणी गर्दै निर्वाचन आयोगको तथ्यांक वास्तविकतासँग मेल नखाने बताइन्।
अवामी लिग प्रतिबन्धित, बीएनपीको बहुमत
विद्यार्थी आन्दोलनपछि २०२४ अगस्टमा सत्ता छाडेर भारत पुगेकी हसिनाको दल अवामी लिगलाई अन्तरिम सरकारले यसपटकको निर्वाचनमा भाग लिन रोक लगाएको थियो।
निर्वाचन परिणामअनुसार (बीएनपी) ले दुईतिहाइभन्दा बढी सिट जित्दै स्पष्ट बहुमत हासिल गरेको छ। पार्टी अध्यक्ष नेतृत्वमा बीएनपीले एक्लैले २०९ सिट जितेको छ भने उसका सहयोगीले थप ३ सिट जितेका छन्।
विपक्षी ले ६८ सिट तथा सहयोगीले ९ सिट जितेका छन्। विद्यार्थी आन्दोलनपछि बनेको नयाँ दल नेसनल सिटिजन पार्टीले ६ सिट हात पारेको छ।
नयाँ सरकार गठनको तयारी
बहुमतपछि बीएनपी नयाँ सरकार गठनको तयारीमा जुटेको छ। बंगलादेशको कानुनी प्रावधानअनुसार सांसद र मन्त्रिपरिषद्ले राष्ट्रपतिबाट शपथ लिने परम्परा भए पनि हालको संक्रमणकालीन अवस्थाले शपथ प्रक्रियाबारे कानुनी छलफल चलिरहेको बताइएको छ।
बीएनपी नेतृत्वले आवश्यक परे प्रमुख निर्वाचन आयुक्तमार्फत शपथ गराउने विकल्पसमेत अध्ययन गरिरहेको जनाएको छ। पार्टीभित्रको तयारीअनुसार अध्यक्ष तारिक रहमान नै आगामी प्रधानमन्त्री बन्ने सम्भावना छ।
हसिनाको १५ वर्षे शासन अन्त्य गराएको जनआन्दोलनपछि पहिलोपटक भएको यस निर्वाचनले बंगलादेशको राजनीति नयाँ चरणमा प्रवेश गरेको विश्लेषण गरिएको छ।
