काठमाडौं, १६ चैत २०८२ – विशेष अदालतले पतञ्जलि प्रकरणसँग सम्बन्धित भ्रष्टाचार मुद्दामा दुवै पक्षलाई बहस नोट पेश गर्न आदेश दिएको छ।
विशेष अदालतका सदस्यहरू हेमन्त रावल, डिल्लीरत्न श्रेष्ठ र उमेश कोइरालाको इजलासले मुद्दाको सुनुवाइका क्रममा लिखित बहस (नोट) बुझाउन निर्देशन दिएको हो।
आरोप के छ ?
यस प्रकरणमा ले हदबन्दीभन्दा बढी जग्गा बिक्री तथा सट्टापट्टा गर्न दिई भ्रष्टाचार भएको आरोप लगाएको छ।
हदबन्दीभन्दा बढी जग्गा किनबेच
गलत लिखत तयार गरी प्रक्रिया मिलाइएको
सरकारी संयन्त्रको दुरुपयोग
जस्ता आरोपहरू मुद्दामा समेटिएका छन्।
को–को तानिए ?
यो मुद्दामा पूर्वप्रधानमन्त्री सहित तत्कालीन उच्च पदाधिकारीहरूको भूमिकामाथि प्रश्न उठाइएको छ।
यसमा:
पूर्व कानूनमन्त्री प्रेमबहादुर सिंह
पूर्व भूमिसुधारमन्त्री डम्बर श्रेष्ठ
तत्कालीन मुख्यसचिव माधवप्रसाद घिमिरे
को संलग्नताबारे पनि अनुसन्धान गरिएको छ।
त्यस्तै, मालपोत कार्यालय काभ्रेका कर्मचारी र सट्टापट्टामा संलग्न जग्गा खरिदकर्तामाथि समेत भ्रष्टाचार मुद्दा चलाइएको छ।
अब के हुन्छ ?
अदालतले दुवै पक्षलाई लिखित बहस नोट बुझाउन भनेपछि मुद्दा अब थप गहिरो कानुनी बहसतर्फ अघि बढ्ने भएको छ।
