काठमाडौँ, असोज १०-प्रधानमन्त्री बालेन्द्र शाह संयुक्त राष्ट्रसंघको ८१औँ महासभामा सहभागिता जनाएर शनिबार स्वदेश फर्किएका छन्।
प्रधानमन्त्री शाह मंगलबार साँझ संयुक्त राज्य अमेरिका प्रस्थान गरेका थिए। उनले असोज ८ गते महासभालाई सम्बोधन गर्दै जलवायु परिवर्तनका कारण नेपालसहित हिमाली मुलुकले भोगिरहेका समस्याबारे अन्तर्राष्ट्रिय समुदायको ध्यानाकर्षण गराएका थिए।
सम्बोधनका क्रममा उनले जलवायु संकट सिर्जना गर्न न्यून भूमिका रहेका नेपालजस्ता देशले त्यसको गम्भीर असर भोगिरहेको विषय उठाएका थिए। हिमाली क्षेत्रमा जलवायु परिवर्तनको प्रभाव बढ्दै गएको उल्लेख गर्दै उनले यस विषयमा अन्तर्राष्ट्रिय समुदायको थप ध्यान आवश्यक रहेको बताएका थिए।
महासभामा सहभागिता पूरा गरी प्रधानमन्त्री शाह शनिबार स्वदेश फर्किएका हुन्।
