बझाङको कोटदेवल केन्द्रबिन्दु भएर ४.२ म्याग्निच्युडको भूकम्प

काठमाडौं, साउन ६ — सुदूरपश्चिम प्रदेशको बझाङ जिल्लाको कोटदेवल क्षेत्रलाई केन्द्रबिन्दु बनाएर बुधबार बिहान ४.२ म्याग्निच्युडको भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार भूकम्प बिहान ४ः४० बजे रेकर्ड गरिएको हो।
प्रारम्भिक जानकारीअनुसार भूकम्पको धक्का बझाङ र आसपासका क्षेत्रमा महसुस गरिएको भए पनि हालसम्म कुनै मानवीय वा भौतिक क्षतिको आधिकारिक विवरण सार्वजनिक भएको छैन। सम्बन्धित निकायले अवस्थाबारे थप जानकारी संकलन गरिरहेको जनाएको छ।
भूकम्प आएपछि स्थानीयवासी केही समय घरबाहिर निस्किएका थिए। प्रशासनले अफवाहमा विश्वास नगरी आधिकारिक सूचनालाई मात्र आधार बनाउन तथा आवश्यक सतर्कता अपनाउन सर्वसाधारणलाई आग्रह गरेको छ।