१६ भदौ, बारा: सशस्त्र प्रहरी अतिरिक्त महानिरीक्षकहरुको सरुवा भएको छ ।
भदौ १३ गतेको मन्त्री परिषदको निर्णय अनुसार सशस्त्र प्रहरी महानिरीक्षकहरुको सरुवा भएको हो ।
गृह मन्त्रालयका अनुसार सशस्त्र प्रहरी अतिरिक्त महानिरीक्षक बंशीराज दाहाललाई कार्य विभागबाट मानवस्रोत विभागमा लगिएको छ ।
मानवस्रोत विभागका चन्द्र प्रकाश गौतमलाई सिमा सुरक्षा विभागमा सरुवा गरिएको छ ।
नारायणदत पौडेललाई भने सिमा सुरक्षा विभागबाट कार्य विभागमा लगिएको सशस्त्र प्रहरी मुख्यालयले जनाएको छ ।
