१४ पुस, बारा : बारामा प्रहरीले गएराती लागूऔषध सहित एकजना महिलालाई पक्राउ गरेको छ । पक्राउ पर्नेमा रौतहटको कटहरिया नगरपालिका ७ की मुस्कान कुमारी दास रहेकी छिन् ।
गौरबाट काठमाण्डौ तर्फ जाँदै गरेको बा.प्र.०१–००६ ख ५१५९ नम्बरको यात्रुबसलाई जीतपुरसिमरा उपमहानगरपालिका वडा नंं. १ पथलैयामा जाँच गर्दा बसको डिक्कीमा लुकाई छिपाई राखेको अवस्थामा लागूऔषध बरामद गरेको हो ।
जिल्ला प्रहरी कार्यालय बाराका प्रवक्ता प्रकाश सापकोटाका अनुसार लागूऔषध नोरफिन एक हजार दुई सय थान, डाइजोपाम एक हजार दुई सय थान, फेनारगल एक हजार दुई सय थान बरामद भएको हो ।
पक्राउ परेकी महिलालाई नियन्त्रणमा लिई आवश्यक कानूनी प्रक्रिया अगाडी बढाईएको प्रहरीले जनाएको छ ।
