बारामा पत्रकारहरुद्वारा हातमा कालोपट्टी बाँधेर प्रदर्शन

१७ चैत्र,बारा: पत्रकारको हत्या र संचार क्षेत्रको आक्रमणको विरोधगर्दै बाराका पत्रकारहरुले आज प्रदर्शन गरेका छन ।

बाराका पत्रकारहरुले आज हातमा कालोपट्टी बाँधेर विरोध प्रदर्शन गरेका हुन ।
पत्रकार सुरेश रजकको हत्या र संचार क्षेत्रमाथिको आक्रमणको विरोधमा जिल्लाका सम्पुर्ण पत्रकारहरु नेपाल पत्रकार महासंघको आह्वानमा आफ्नो कार्य स्थलमा हातमा कालोपट्टी बाँधेर विरोध जनाएको महासंघ बाराका उपाध्यक्ष पन्नालाल दासले जानकारी गराए ।

काठमाडौमा राजावादीको प्रदर्शनमा परेर पत्रकार रजकको मृत्यु भएको थियो ।