नेकपा (एमाले) पार्टी कार्यालयमा जेनजीद्वारा तोडफोड तथा आगजनी, ४० वटा कुर्सी र मोटरसाइकलमा क्षत
जेनजी आन्दोलनमा संलग्न युवाहरूले नेकपा (एमाले) पार्टी कार्यालयमा तोडफोड तथा आगजनी गरेका छन्। सोमबार राति भएको उक्त घटनामा कार्यालयभित्र रहेका करिब ४० वटा कुर्सी, कागजातसहितका सामग्रीहरूमा क्षति पुगेको छ भने कार्यालय परिसरमा पार्किङ गरिएको मोटरसाइकलमा समेत आगजनी गरिएको प्रहरीले जनाएको छ।
आगो नियन्त्रणमा लिन स्थानीय बासिन्दा र सुरक्षाकर्मीहरूले प्रयास गरे पनि कार्यालयका कोठाहरूमा रहेका सामग्रीहरूमा ठूलो क्षति पुगेको छ।
