१ फागुन २०८२ काठमाडौं  आगामी निर्वाचनलाई लक्षित गर्दै र ले आ–आफ्ना महत्वाकांक्षी चुनावी घोषणापत्र सार्वजनिक गरेका छन्। एकातिर जसपा नेपालले कृषि क्षेत्रमा ५ वर्षमा ५० लाख रोजगारी सिर्जना गर्ने लक्ष्य अघि सारेको छ भने अर्कोतिर आम जनता पार्टी (आजपा) ले नेपाललाई ‘ग्लोबल आईटी हब’ बनाउने योजना सार्वजनिक गरेको छ।

कृषि रोजगारी र संविधान पुनर्लेखनमा जसपा

जसपा नेपालले भर्टिकल फार्मिङ प्रवर्द्धनमार्फत ५ वर्षभित्र ५० लाख रोजगारी सिर्जना गर्ने दाबी गरेको छ। साथै, संविधान संशोधन मात्र होइन पुनर्लेखनसम्मको एजेन्डा अघि सार्दै विज्ञसहितको उच्चस्तरीय संविधान पुनरावलोकन आयोग गठन गर्ने प्रस्ताव गरेको छ।

पार्टीले शिक्षा, स्वास्थ्य र कानुनी सेवा पूर्ण रूपमा निःशुल्क र सार्वजनिकीकरण गर्ने प्रतिबद्धता जनाएको छ। प्रत्येक प्रदेशमा अत्याधुनिक अस्पताल, प्रत्येक स्थानीय तहमा सुविधासम्पन्न अस्पताल स्थापना गर्ने तथा सार्वजनिक शिक्षा प्रणालीलाई निःशुल्क र प्रविधिमैत्री बनाउने योजना घोषणापत्रमा उल्लेख छ।

जसपा नेपालले ‘जेनजी’ पुस्ताको आन्दोलनलाई परिवर्तनको संकेत भन्दै युवाको राजनीतिक सहभागितालाई समर्थन जनाएको छ। साथै, नगदरहित अर्थतन्त्र, सहकारी पीडितको रकम फिर्ता, जनलोकपाल गठन र विगतका उच्च पदस्थहरूको सम्पत्ति छानबिन गर्ने जस्ता भ्रष्टाचार नियन्त्रणका उपाय पनि अघि सारेको छ।

आईटी हब र ‘एक घर, एक रोजगारी’मा आजपा

उता नेतृत्वको आम जनता पार्टीले नेपाललाई विश्वस्तरको आईटी केन्द्र बनाउने दीर्घकालीन लक्ष्य सार्वजनिक गरेको छ। पार्टीले युवा उद्यमीलाई १०–२५ लाख रुपैयाँसम्म बीउ पुँजी उपलब्ध गराउने, आईटी आर्मी गठन गर्ने र प्रत्येक विद्यार्थीलाई कम्तीमा एक उच्च प्राविधिक सीप अनिवार्य सिकाउने नीति अघि सारेको छ।

आजपाले ‘एक घर, एक रोजगारी’ कार्यक्रम लागू गर्ने र बेरोजगारलाई भत्ता दिने घोषणा गरेको छ। शिक्षा, स्वास्थ्य, खानेपानी र विद्युत् आधारभूत रूपमा निःशुल्क उपलब्ध गराउने तथा प्रत्येक पालिकामा विशेषज्ञ अस्पताल स्थापना गर्ने योजना पनि घोषणापत्रमा समावेश छ।

पूर्वाधारतर्फ डिजिटल करिडोर, अप्टिकल फाइबर विस्तार, व्यवस्थित पार्किङ, राजमार्ग स्तरोन्नति र योजनाबद्ध नयाँ सहर विकास गर्ने कार्यक्रम प्रस्ताव गरिएको छ। साथै, भूमिहीनका लागि ‘भर्टिकल हाउजिङ’ निर्माण र ‘हिमालयन ओरिजिन’ ब्रान्डमार्फत बोतलको पानी निर्यात प्रवर्द्धन गर्ने योजना पनि अघि सारिएको छ।

फरक प्राथमिकता, साझा प्रतिस्पर्धा

दुवै दलले रोजगारी, निःशुल्क आधारभूत सेवा र पूर्वाधार विकासलाई केन्द्रमा राखे पनि प्राथमिकतामा स्पष्ट फरक देखिएको छ। जसपा नेपालले कृषि, संघीय पुनर्संरचना र सामाजिक सेवा विस्तारलाई जोड दिएको छ भने आजपाले डिजिटल अर्थतन्त्र, आईटी र उद्यमशीलतालाई प्रमुख एजेन्डा बनाएको छ।

आगामी निर्वाचनमा यी घोषणापत्रमार्फत मतदातालाई आकर्षित गर्ने प्रतिस्पर्धा तीव्र हुने संकेत देखिएको छ।