गोवाको नाइट क्लबमा भीषण आगलागी : चार नेपालीसहित २५ जनाको मृत्यु

२६ मंसिर -भारतको गोवा राज्यको अरपोरा क्षेत्रमा अवस्थित एक नाइट क्लबमा शनिबार मध्यराति भएको भीषण आगलागीमा परी चार जना नेपालीसहित २५ जनाले ज्यान गुमाएका छन्। गोवा सरकारले सार्वजनिक गरेको नामावलीमा क्लबका मृतकमध्ये २० जना कर्मचारी रहेको उल्लेख छ, जसमा चार जना नेपाली नागरिक पनि परेका छन्।

अग्निज्यानका कारण ६ जना घाइते भएका छन्। मृतकका परिवारलाई पाँच लाख र घाइतेलाई ५० हजार रुपैयाँ सहयोग गर्ने घोषणा गरिएको छ।

नेपाली मृतकको पहिचान

भारतीय समाचार माध्यम हिन्दुस्तान टाइम्स का अनुसार मृत्यु हुने नेपाली नागरिकका नाम यसप्रकार छन्—

• चुर्णबहादुर पुन
• विवेक कटवाल
• सबिन
• सुदीप

उनीहरूको स्थायी ठेगाना भने खुलेको छैन। गोवा सरकारले शव नेपाल पठाउने तयारी भइरहेको जनाएको छ।

आगलागी कसरी भयो ?

अधिकारीका भनाइअनुसार क्लबभित्र नाचगान भइरहेको बेला इलेक्ट्रोनिक फायरक्राकर चलाउँदा आगो सुरु भएको थियो।
साँघुरा गल्लीका कारण दमकल समयमै प्रवेश गर्न नसक्दा आगो केही मिनेटमै नियन्त्रणबाहिर पुगेको बताइएको छ।
धेरैजसो मानिस भुइँतला र भान्सातिर थुनिएका कारण ठूलो मानवीय क्षति भएको अनुमान गरिएको छ।

केहीको ज्यान आगोले डढेर गएको थियो भने केही धुँवामा निसासिएर मारिएका थिए।

कानुनी कारबाही र सरकारी कदम

प्रारम्भिक अनुसन्धानमा क्लबले सुरक्षा मापदण्ड पूरा नगरी अवैध रूपमा सञ्चालन भइरहेको पाइएको छ।
घटनापछि क्लबका महाप्रबन्धक र कर्मचारीसहित चार जना पक्राउ परेका छन्।
क्लबका मालिक सौरभ लुथरा र गौरव लुथराविरुद्ध मुद्दा दर्ता गरिएको छ।

यसबाहेक, अनुमति बिना नाइट क्लब सञ्चालन गर्न सहयोग गरेको आरोपमा गोवा सरकारका तीन वरिष्ठ अधिकारीलाई निलम्बन गरिएको छ।

मुख्यमन्त्री प्रमोद सावन्तले गोवाभर अवैध क्लब तथा भीडभाड हुने स्थानहरूको विशेष अडिट गर्ने घोषणा गरेका छन्।

प्रत्यक्षदर्शीको भनाइ

प्रत्यक्षदर्शीहरूले क्लब अत्यधिक भीडिएको र आगो लागेको केही मिनेटमै सम्पूर्ण संरचना जलेर नष्ट भएको बताए। आगोले ग्याँस सिलिण्डरसमेत विस्फोट हुँदा स्थिति झन् भयावह बनेको थियो।

मृतकहरूको पूर्ण नामावली

(अनुसन्धान टोलीले पुष्टि गरेको सूची)

• चुर्ण बहादुर पुन — नेपाल
• विवेक कटवाल — नेपाल
• सबिन — नेपाल
• सुदीप — नेपाल
• मोहित — झारखण्ड
• प्रदीप महतो — झारखण्ड
• बिनोद महतो — झारखण्ड
• सतीश सिंह — उत्तराखण्ड
• सुरेन्द्र सिंह — उत्तराखण्ड
• जितेन्द्र सिंह — उत्तराखण्ड
• सुमित नेगी — उत्तराखण्ड
• मनिश सिंह — उत्तराखण्ड
• दिगम्बर पटिर — असम
• राहुल तन्ती — असम
• मनोजित माल — असम
• सुनील कुमार — उत्तर प्रदेश
• रोहन सिंह — उत्तर प्रदेश
• डोमिनिक — महाराष्ट्र
• मनोज जोरा — महाराष्ट्र
• इसहाक — कर्नाटक
• सुभास क्षेत्री — दार्जिलिङ, पश्चिम बंगाल
• सरोज जोशी — दिल्ली
• विनोद कुमार — दिल्ली
• अनिता जोशी — दिल्ली