१३ बैशाख,बारा: बाराको कलैयामा स्थानीय पत्रकारहरुलाई तालिम तथा अभिमुखीकरण कार्यक्रम सम्पन्न भएको छ ।
कलैया उपमहानगरपालिकाको आर्थिक सहयोगमा शुभारम्भ सहयोगी संस्थाले तालिमको आयोजना गरेको हो ।
तालिममा कलैया र आसपासका २६ जना पत्रकारहरुको सहभागीता रहेकोे थियो । तालिममा सहभागीहरुलाई पत्रकार गोकुल घोरासाईनेले प्रशिक्षण दिएका थिए ।
तालिमको उदघाटन गर्दै कलैया उपमहानगरपालिका वडा नम्बर-१ का वडाध्यक्ष मोहन बहादुर क्षेत्रीले पत्रकारहरुलाई सकारात्मक रुपले पनि समाचार लेख्न आग्रह गरे । उनले नकारात्मक रूपमा मात्रै नभई सकारात्मक रुपले पनि कलम चलाउन आग्रह गरे ।
