अमेरिकी सहायक विदेशमन्त्री पल कपुर तीनदिने भ्रमणमा नेपाल

काठमाडौँ, वैशाख ७ — दक्षिण तथा मध्य एसिया हेर्ने अमेरिकी सहायक विदेशमन्त्री पल कपुर तीनदिने औपचारिक भ्रमणका लागि नेपाल आइपुगेका छन्।
राष्ट्रिय स्वतन्त्र पार्टी नेतृत्वको सरकार गठनपछि नेपाल आएका उनी पहिलो उच्चस्तरीय अमेरिकी कूटनीतिज्ञ हुन्। उनको भ्रमणलाई नेपाल–अमेरिका सम्बन्धका दृष्टिले महत्वपूर्ण रूपमा हेरिएको छ।
भ्रमणका क्रममा कपुरले परराष्ट्रमन्त्री शिशिर खनाल र अर्थमन्त्री स्वर्णिम वाग्ले सँग भेटवार्ता गर्ने कार्यक्रम रहेको छ। द्विपक्षीय सम्बन्ध, आर्थिक सहकार्य तथा क्षेत्रीय विषयमा छलफल हुने अपेक्षा गरिएको छ।
यसैबीच, उनले ऐतिहासिक सम्पदा पाटन दरबार स्क्वायर को अवलोकन गर्ने कार्यक्रम पनि तय भएको छ।
कूटनीतिक भेटघाटसँगै सांस्कृतिक अवलोकनलाई समेत समेटिएको उनको यो भ्रमणलाई दुई देशबीचको सम्बन्ध थप सुदृढ बनाउने अवसरका रूपमा लिइएको छ।