२ साउन,वीरगन्ज: वीरगन्जको गण्डक चौकमा रहेको क्लार्क होटल एण्ड रिसोर्टमा संचालित क्यासिनोले नेपालीहरुलाई जुवा खेलाउने गरेको छ ।
क्लार्क रिसोर्ट एण्ड क्यासिनोले नेपाली नागरिकलाई समेत क्यासिनो प्रवेश गराएर जुवा खेलाउने गरेको होटलका एकजना कर्मचारीले बताए ।
क्लार्क होटलमा गोल्डेन फिङ्गर गेमिङ्ग जोन नाममा क्यासिनो संचालनमा छ ।
सरकारले क्यासिनोमा नेपाली नागरिकलाई प्रवेशमा पुर्ण रुपमा रोक लगाएको छ । तर क्लार्क रिसोर्टको क्यासिनोले कानुनलाई धज्जी उडाउँदै नेपाली नागरिकलाई प्रवेश गराएर क्यासिनो संचालन गर्दै आएको छ ।
क्यासिनो स्थानीय प्रहरी प्रशासनलाई मोटो रकम दिएर प्रभावमा पारी क्यासिनो खुलेयाम नेपाली नागरिकलाई प्रवेश गराएको रिसोर्टका ती कर्मचारीले जानकारी दिए ।
क्यासिनो संचालकले वडा प्रहरी कार्यालय श्रीपुर र जिल्ला प्रहरी कार्यालयका प्रमुखलाई क्यासिनोमा हस्तक्षेप नगरे बापत मासिक नजराना दिने गरेका छन ।
वडा प्रहरी कार्यालय श्रीपुरका प्रहरी निरीक्षक धर्मराज थिङले
निरीक्षणको क्रममा कुनै नेपाली फेला नपरेको दाबी गरे ।
क्यासिनोका म्यानेजर युवराज अधिकारीले कुनै नेपालीलाई क्यासिनो प्रवेश नगराएको दाबी गरे ।
