१० मंसिर, काठमाडौं । आगामी २१ फागुनमा हुने प्रतिनिधिसभा सदस्य निर्वाचनका लागि दल दर्ता गर्ने अन्तिम दिन आज परेको छ। निर्वाचन आयोगले १ मंसिरदेखि खुला गरेको दल दर्ता प्रक्रिया मार्फत हिजोसम्म ८० दलले दर्ता गराइसकेका छन्।
आज दर्ता हुने राजनीतिक दलले मात्र फागुन २१ गते हुने निर्वाचनमा सहभागी हुन पाउनेछन्। पहिलो-पास-दि-पोस्ट (FPTP) प्रणालीतर्फको निर्वाचन कार्यक्रम अनुसार ६ माघमा उम्मेदवारको मनोनयन दर्ता गरिनेछ। सोही दिन बेलुका उम्मेदवारको प्रारम्भिक नामावली सार्वजनिक हुनेछ।
७ माघमा मनोनयनविरुद्ध उजुरी दिन सकिनेछ भने ८ माघमा ती उजुरीहरूको छानबिन तथा टुंगो लगाइनेछ। त्यसपछि पुनः संशोधित नामावली प्रकाशित गरिनेछ। ९ माघसम्म उम्मेदवारले आफ्नो उम्मेदवारी फिर्ता लिन सक्नेछन्।
फिर्ता प्रक्रियापछि अन्तिम नामावली प्रकाशन भएर उम्मेदवारहरूलाई निर्वाचन चिह्न प्रदान गरिने कार्यक्रम रहेको आयोगले जनाएको छ।
Leave a Reply