१ फागुन,काठमाडौं-आसन्न प्रतिनिधिसभा निर्वाचनलाई स्वच्छ, निष्पक्ष र भयरहित वातावरणमा सम्पन्न गर्न सुरक्षा तथा तयारीलाई उच्च प्राथमिकतामा राख्न निर्देशन दिएका छन्।
राष्ट्रपति पौडेलले शुक्रबार शीतल निवासमा गृहमन्त्री तथा चारवटै सुरक्षा निकायका प्रमुखसँग भेट गर्दै निर्वाचन सुरक्षामा कुनै कमजोरी हुन नदिन निर्देशन दिए। लोकतन्त्रमा जनमत अभिव्यक्त गर्ने प्रमुख माध्यम निर्वाचन भएकाले शान्ति–सुरक्षाको व्यवस्था सुदृढ र प्रभावकारी बनाउन उनले सरकार र सुरक्षा निकायलाई आग्रह गरे।
सो भेटमा गृहमन्त्री , नेपाली सेनाका प्रमुख , नेपाल प्रहरीका प्रमुख , सशस्त्र प्रहरी बलका प्रमुख तथा राष्ट्रिय अनुसन्धान विभागका प्रमुख सहभागी थिए।
उता प्रधानमन्त्री कार्कीले ताप्लेजुङको पाथीभरा–फुङलिङ क्षेत्रमा स्थानीय बासिन्दा र प्रशासनिक अधिकारीसँग अन्तर्क्रिया गर्दै अहिले हुन लागेको निर्वाचन “सामान्य नभई देशको भविष्य कोर्ने निर्वाचन” भएकाले सबै मिलेर सफल बनाउनुपर्ने बताइन्। उनले निर्वाचनमा शान्ति, सुरक्षा, स्वच्छता र मितव्ययितालाई सुनिश्चित गर्न स्थानीय प्रशासनलाई निर्देशन दिइन्।
प्रधानमन्त्री कार्कीले सरकारले हिमालदेखि तराईसम्म निर्वाचन तयारीको अवस्था अनुगमन गरिरहेको बताउँदै तोकिएकै समयमा शान्तिपूर्ण निर्वाचन हुनेमा सरकार विश्वस्त रहेको धारणा व्यक्त गरिन्।
जिल्ला प्रशासन कार्यालयका अनुसार ताप्लेजुङमा ९० हजार ३२७ मतदाता रहेका छन् भने २ अस्थायी सहित ८२ मतदानस्थल तोकिएका छन्। तीमध्ये चार मतदानस्थल दुर्गम हिमाली क्षेत्रमा पर्ने भएकाले विशेष सुरक्षा र व्यवस्थापन चुनौती रहेको छ।
राष्ट्रपतिदेखि सरकार प्रमुखसम्मले निर्वाचन सुरक्षा र व्यवस्थापनलाई प्राथमिकता दिएसँगै आगामी निर्वाचन शान्तिपूर्ण रूपमा सम्पन्न गराउने तयारी तीव्र बनाइएको छ।
